Dream Interpreter AI™

A Dream Odyssey Through Worlds and Identity

خليني اكمل الحلم كان الحلم كل شي اتمناه ناس في الوقت الصح وعدم وجود ناس في الوقت الصح خالة سميحة الله يرحمها كانت فيه كنا وكأنن ببيت ناس ستي لكنه كان اكبر واجمل كان في بعض المضايقات من اختي الكبيرة علو لكن الحياة كان كويسة حتى اعتقد بابا مهو موجود كنت استائل لو هوه مات وانا عمري 13 ولا 10 بعدين كان الصباح وكنا لكنا مجتمعين حول الفطور افتكر خالة سميحة مرة انا واختي الصغيرة رؤى كنا راحيين المدرسة لسبب ما كانت رؤى في نفس سنها حاليًا وانا كنت ستل اروح المدرسة انا كنت اروح المدرسة لسبب وكنت دارية اني متخرجة لكن في شي تكميلي او زيادة اختياري كنت بآخدو طلعنا من على السلالم المتحركة وكأن المدرسة في مكوك فضائي دائري وبعدها لازم نطلع فوق بمكوك دائري اكبر في وهلة بالحلم كنت ماريو او كنا سوبر ماريو بشكل غريب واحنا نبطلع السلالم الكهربائية علو طلعت تسائلت في نفسي فين هيه الراحية مدام ما عندها مدرسة بس احتفظت بالسؤال لنفسي وهي كانت معاها عربة وكأنها لطفل فكان في درجين كهربائيين كلهم جنب بعض واحد كان للعربات وانا ما انتبهت وعلو ركبتو وانا ورؤى ركبنا الدرج الكهربائي العادي ولما وصلنا كمان لفوق هنا لما جلسنا نتحول لماريو فجأة لكن لما رجعنا لشكلنا ما افتكر علو كانت معانا بس في احد فوق وكأنو ملك طلع طلبنا لشغلة معينة واننا جايبيين له حل لمملكته ومملكته زراعية شوية وكأنو يسير صاحب السلطة محمد نور اللاعب وعبال نحل مشكلتو او مشكلة الملك لاني مدري اذا حليناها او لا لانو في احد من الأطفال قدر يزرع زرع حقيقي مو صناعي الأطفال حطيناهم على جنب وحوطناهم بسور صغير شوية نشم ريحة ربطوبة ونشوف الأطفال ما كانو فيه كان بينهم عزام ولد خالو عبد العزيز وطلع هوه اعتقد كان في مشكلة الملك ما كان قادر يزرع زرع طبيعي في المكان وكل مملكته تعتمد على الإنتاج الزراعي وطفل من الأطفال قدر وبشكل ما هروب كلهم ودخلو لباب جانب السور وقدرت اطلع بس عزام منه وهو اصغر لما دخلت واحنا مع اننا احنا الي ارسلنا نحل المشكلة والأطفال كانو عساس ازعاج عشن كدا حوطناهم بعيد بعدين هم الي حلو المشكلة وبعدها يجي افضل بارت بالحلم دخلنا المدرسة أخيرا كانت كبيرة وكأنها مول تجاري للامانة وفي حارس للملك او محمد نور جايب معاه ولد الملك/ محمد نور الصغير وكنا يحسن بطنو يعورو من الجبن ما علينا انا ورؤى رحنا ندور بالمدرسة انفصلنا في نقطة ما وانا فتحت حمامات بنات لقيتهم كلهم بيلبسو كوستم الدعسوقة والمكان وردي وكلو بنات بيضحكو ويغيرو ملابسهم وبدون هواجز وكلهم قدامهم مرايات وبيضحكو ويبتسمو فأنا مرة عجبني المكان احس لبى جوتي رغبة غريبة فأنا كمان كنت بس بسرعة ابغا البس لبس كمان عشن انكشف لهم كلنا باجسام انثوية نص عارية وعارية وانا كنت ابغا انظم فعدت ابغا اغير واسألهم كمان عن الكوستم وشوية رؤى كمان جات وكنت مرة مرة فرحانة وابغا اوريها وجاب ببالي فكرة انو "مو غريب اغير واختي موجودة؟" لكن ما حسيت باي مشاعر عار من دا الشي المهم للآن كان هذا افضل بارت بالحلم نجي والحلم بدأ يسير سيء وبديت اغير وشوية البنات كلهم يلفو علي ويطالعوني ويقولو ولد ولد دخل عندنا واطالع احس اني ولد صدري ممسوح وشي بين رجلي وحاولت اغطي نفسهم عنهم وهم كلهم بيطالعو علي كيف اتجرأ ادخل عنهم وانا أحاول اغطي نفسي وافكر كيف كدا انا بنت مو ولد بس في جزء مني أخيرا انبسط اني جربت أكون ولد بس معد سرت مقبولة عند البنات بعدين فجأة مديرة المدرسة في المايكات كلها تقول بصوت قويي وغضب وعجلة بسرعة المدرسة بنتحرق الكل يخرج الكل يروح وانا وقفت مكاني البنات خرجو ورؤى اختي الصغير وانا جلسنا لسبب ما حسيت ما يمديني اهرب فين اهرب برة نار وقلت ممكن راح انحبس هنا لين اموت وبعدها المدير تهدد الي ما يطلع بالمايك ولازم الكل يطلع والمدرسة بنتحرق وانا ستل في شي بيمنعني من اني اطلع وما ادري اش هوه رغم اني ابغا اخرج وانقذ نفسي ثم دخلو علينا رجال شرطة يبغو يمسكونا عشان خالفنا الأوامر وما طلعنا وقتها حسيت نفسي محاصرة وقررت اخرج من نفسي خرجت وجريت وجريت بسرعة واشوف الناس بيجرو جبت معاي شي كنت باضرب بعض الناس كأنهم كانو زوبمي ولا حتى ناس من الجهة الثانية لكن لسبب ما كان عندهم نية اذية لي وقعدت اضرب وانا اجري وازعق واصرخ بكل قوتي كان الشي مرة قوي بالحلم والنار بتكتر والناس الي باضربهم بيزيدو علي لين وصلت مكان انا غرقت في الناس وحسيت حشد الناس التهمني جوتو واجلست اغرق في الحشد وانا احس براحة اني حاربت وحاولت انو كان عندي الشجاعة اخرج رغم اني كنت خايفة وهنا صحيت